Øvingar
Trygg Trafikk anbefaler å gjennomføre ei ferdigheitsløype med 10 øvingar. Øvingane viser korleis elevane meistrar sykkelen og er dei same øvingane som i sykkelprøve i skulegarden.
Øvingane må utførast på eit område utan trafikk, for eksempel skulegarden eller ein grusbane. Det må vere så god avstand mellom øvingane at elevane har tid nok til å orientere seg, gje teikn osb.
Rekkefølgja på øvingane kan godt tilpassast lokale høve og alle øvingane må heller ikkje gjennomførast samtidig.
Dette treng du for å setje opp og gjennomføre løypa: stoppeklokke, måleband, vippeplanke (3 m x 20 cm) og markørar, for eksempel kjegler, plastflasker, kritt, tau eller liknande.
Forslag til oppsett av løype finn du under «Lærerveiledning og tips til gjennomføring».
Beskriving av ferdigheitsøvingane:
1. Start
Starte syklinga utan å kome bort i dei markerte linene eller setje foten i bakken.
Beskriving av ferdigheitsøvingane:
2. Svinge forbi hindring
Sjå deg tilbake mot venstre, gje tydeleg teikn og passere på venstre sida av ei hindring utan å vingle elelr setje foten i bakken. Svingen gjer du med begge hendene på styret.
Beskriving av ferdigheitsøvingane:
3. Slalåm
Sykle slalåm mellom markørar utan å kome bort i dei eller setje foten i bakken.
Beskriving av ferdigheitsøvingane:
4. Svinge til høgre
Sjå deg tilbake mot høgre, gje tydeleg teikn og sving til høgre rundt ei markering utan å kome bort i henne eller setje foten i bakken. Svingen gjer du med begge hendene på styret.
Beskriving av ferdigheitsøvingane:
5. Kryssing av veg
Stopp framfor eit «gangfelt», gå av sykkelen og sjå til begge sider og bakover, deretter trillar du sykkelen over gangfeltet og syklar vidare utan å vingle.
Beskriving av ferdigheitsøvingane:
6. Balanse 1
Sykle i gangfart over ein vippeplanke utan å kome utanfor eller setje foten i bakken.
Beskriving av ferdigheitsøvingane:
7. Snu på veg eller gang- og sykkelveg
Sjå deg tilbake mot venstre, gje tydeleg teikn og deretter snu utan å kome bort i markeringane eller setje foten i bakken. Svingen gjer du med begge hendene på styret.
Beskriving av ferdigheitsøvingane:
8. Balanse 2
Sykle gjennom ein sving utan å kome bort i markeringane eller setje foten i bakken.
Beskriving av ferdigheitsøvingane:
9. Sinkesykling
Bruk minst 10 sekund på 10 meter utan å kome bort i markeringane eller setje foten i bakken.
Beskriving av ferdigheitsøvingane:
10. Bremse
Sykle i hurtig tempo, begynn å bremse ved markeringa og stopp sykkelen så fort som råd utan å låse nokon av hjula.
Slik bremsar du:
- I ein naudsituasjon rekk du ikkje å tenkje på kvar handtaka er, eller korleis bremsane verkar. Difor må du øve mykje, slik at bremsinga skjer automatisk.
- Du stoppar raskast når du brukar begge bremsane samtidig. Frambremsen er meir effektiv enn bakbremsen.
- Ikkje brems så hardt at du låser hjula.
- Underlaget bestemmer kor fort du kan sykle og kor hardt du kan bremse. Du stoppar raskast på tørr asfalt. Syklar du på grus, sand, snø eller is må du bremse meir forsiktig slik at hjula ikkje låser seg.
- Bruk aldri ein sykkel med dårlege bremsar!
Slik held du balansen
Det er lettast å halde balansen når sykkelen har god fart. Men det er også viktig å kunne halde balansen når du syklar sakte, for eksempel når du syklar i nærleiken av fotgjengarar. Øv deg på å sykle sakte. Kanskje du til og med klarar å balansere på sykkelen medan han står heilt stille?
Slik gjer du:
- Bruk bakbremsen forsiktig medan du tråkkar framover med pedalane.
- Sit avslappa på setet, rett opp ryggen og sjå langt fram.
- Om du syklar sakte for å snu, må du også sjå i retninga du svingar.
- Sjå rett fram og ikkje ned i bakken.
Slik syklar du over ei hindring
Syklistar må ofte kome seg forbi steinar, røter eller fortauskantar.
Slik gjer du:
- Når du skal opp: stå på pedalane, legg tyngda bakover og trekk i styret for å løfte framhjulet opp på kanten. Len deg litt framover når bakhjulet skal over kanten. Køyr over kanten mest mogleg på tvers (rett vinkel).
- Når du skal ned: flytt vekta av kroppen bakover og brems forsiktig. Skal du ned ein bratt skrent, legg du mykje av tyngda over bakhjulet og bremsar forsiktig.
Legg gjerne inn ei ekstra øving i ferdigheitsløypa der elevane skal øve på å sykle over ei hindring.
